გამო-კარცერლუქსებული ბლოგი

სიცოცხლის სიყვარული პალმაში , ღამით , ცხოვრება ბაზრის უკან , კაფე - შანტანების უბანში გადაედინება : ჩაბნელებული , მდუმარე ქუჩები , კაფეების დარაბებიან კართა მიღმა კი სინათლე და მუსიკა . თითქმის მთელი ღამე გავატარე ერთ ასეთ კაფეში . დაბალჭერიანი პატარა დარბაზი , ოთხკუთხედი . მწვანედ შეღებილი , ვარდის კონებით მორთული . ხით გაწყობილ ჭერზე ციცქნა წითელი ნათურები . საოცარია , როგორ ეტეოდა ამ პატარა სივრცეში ორკესტრი , ფერად - ფერადი ბოთლებით სავსე ბარი და მუშტრები , ერთმანეთს მიჭყლეტილი , ისე , რომ ნემსიც ვერსად ჩავარდებოდა . მაგიდებს მხოლოდ მამაკაცები უსხდნენ . ცენტრში , ორმეტრიანი თავისუფალი არე . მიმტანი ერთი ბოლოდან მეორეში ბოთლებს და ჭიქებს დაარბენინებდა . ყველა ერთხმად ღრიალებდა , თითქოს ჭკუიდან გადავიდნენო . ვიღაც საზღვაო ოფიცერი ალკოჰოლით გაჟღენთილ სისულელეებს ზედ პირში მახლიდა , უასაკო ქონდრისკაცი კი საკუთარ ცხოვრებას მიყვებოდა . ძალიან დაძაბული ვიყავი და არაფერი მესმოდა . ორკესტრი რაღაცას უკრავდა ...

ჩემი ბლოგისათვის ყველაზე მოკლე პოსტია ეს, მაგრამ ჩემთვის ყველაზე ძვირფასი, რადგან სულ რამდენიმე სიტყვაში ჩატეული სიბრძნე და ტკივილი გაოიხატება. 5 უმოკლესი მოთხრობა , რომელიც მეტია ვიდრე სქელტანიანი რომანები 1. ერთხელ ჰემენგუეი ნაძლევი დადო, რომ დაწერდა მოთხრობას ოთხი სიტყვისგან შემდგარს, რომელიც ნებისმიერ მკითხველს გულს აუჩუყებდა. მან ნაძლევი მოიგო:  "იყიდება ბავშვის ფეხსაცმელი. ჩაუცმელი" 2. ფრედერიკ ბრაუნმა ყველაზე მოკლე საშინელებათა მოთხრობა დაწერა:  "დედამიწაზე დარჩენილი ერთდაერთი ადამიანი ოთახში იჯდა. უეცრად კარზე დააკაკუნეს.." 3. ო. ჰენრიმ ყველაზე მოკლე მოთხრობების კონკურსში გაიმარჯვა: "მძღოლმა სიგარეტს მოუკიდა და ბენზინის კასრთან დაიხარა, რომ ენახა ბევრი იყო თუ არა ბენზინი. გარდაცვლილი 23 წლის იყო". 4. მსგავსი კონკურსი ინგლისელებმაც ჩაატარეს, მაგრამ კონკურსის პირობების თანახმად მოთხრობაში შემდეგი სიტყვები უნდა ეხსენებინათ: დედოფალი, ღმერთი, სექსი, საიდუმლო. პირველი ადგილი ასეთი მოთხრობის აცტორს მიაკუთვნეს: "ღმერთო!-დაიყვირა დედოფა...

" გალობანი სინანულისანი" „გალობანი სინანულისანი“  ორიგინალური პოეტური ნაწარმოებია, რომელიც ეკუთვნის XI-XII საუკუნეებში მოღვაწე საქართველოს მეფე  დავით IV აღმაშენებელს . ეს ნაწარმოები შუა საუკუნეების ქართული კულტურის იდეოლოგიური და ესთეტიკური მრწამსის გამოხატულებაა. იგი ეძღვნება სასულიერო ლირიკაში ღრმად დამუშავებულ ( ეფრემ ასურის , იოსებ და თეოდორე სტუდიტეების,  ანდრია კრეტელის ,  იოანე დამასკელის  და სხვათა საგალობლები) სინანულის მოტივს. საგალობელში გადმოცემულია ზოგადსაკაცობრიო სევდა. დავით IV თავს ადარებს უმძიმესი ცოდვის ჩამდენთ და გამოთქვამს აზრს, რომ არ არსებობს დანაშაული, რომელიც მის სულს არ ამძიმებდეს. თავის ასეთ დამდაბლებაში ვლინდება ზნესრული ადამიანის მაღალი ეთიკური მრწამსი. დავით IV-ის საგალობელში შეცოდებათა შეგნებით უკვე დაძლეულია ცოდვა და ადამიანის დაცემით გამოწვეულ სევდას ახლავს ნათელი ტონები ადამიანის სრულქმნის ღრმა რწმენისა. ის განსაკუთრებულ მსგავსებას ამჟღავნებს ანდრია კრეტელის „დიდ კანონთან“. მსგავსება ამ ორ ძეგლს შორის დიდი ხანია შენ...

"ბანალური ამბავი" მოკლედ , იგი ფორთოხალს ჭამდა და კურკებს ნელ - ნელა ისროდა . გარეთ თოვლჭყაპი იწყებოდა . ოთახას ელექტროღუმელი სრულიად არ ათბობდა . ის მოცილდა საწერ მაგიდას და ღუმელზე დაჯდა . რა განცხრომაა ! ახლა იგრძნო ცხოვრების ფასი . მან კიდევ ერთი ფორთოხალი აიღო . შორს , პარიზში , მასკარმა მეორე რაუნდშივე დაანარცხა დოყლაპია დანი ფრაში . უფრო შორს , მესოპოტამიაში ოცდაერთფუტამდე მოთოვა . მსოფლიოს მეორე კიდეზე , შორეულ ავსტრალიაში ინგლისელი კრიკეტისტები თავისი კარის გამაგრებაზე ზრუნავდნენ . აი სადაა რომანტიკა ! ხელოვნებისა და მწერლობის მესვეურებმა ყურადღება მიაქციეს ჯურნალ “ ფორუმს ”, – კითხულობდა იგი . ესაა მოაზროვნე უმცირესობის მეგზური , ფილოსოფოსი და მეგობარი . პრემირებული მოთხრობები , ვინ იცის , მათი ავტორები ხვალ იქნებ ბესტსელერებს დაგვიწერენ . თქვენ მოგეწონებათ ეს გულთბილი , უშუალო ამერიკული მოთხრობები – ცხოვრებიდან აღებული და თან ჯანსაღი ჰუმორით გამსჭვალული ამბები , რანჩოების სივ...

პატარაზე გაუღეს თუ არა კარი , ევროპა თავქუდმოგლეჯილი შემოვარდა წინა აზიაში : მოკლე კაბებით , ვიწრო შარვლებით , მოკასინებით , შეკრეჭილი და სტაფილოსფრად შეღებილი თმებით , წვრილი ქუსლებით , მცირეგაბარიტიანი ავეჯით მაგნიტოფონებით , ლუი ამსტრონგებითა და ჩაო – ჩაო ბამბინოებით . მე კი „ მოპრმა “ რომ მამაჩემს ოცდარვა წელს არტელ „ ანტიბურჟუის “ მიერ გამოშვებუი პატეფონი აჩუქა , ისევ ის მიდგას სახლში . კარგია მერე ეს ? ევროპაში ნამყოფი ჩემი მეგობრები დილით თურქული ყავითა და OC– ის მარკის კონიაკებით საუზმობენ . მე კი ისევ მურაბიანი ჩაითა და ცეკავშირის ყველით ვსაუზმობ . ჩემი ამხანაგები ისეთი ვიწრო შარვლებით დადიან , ორი კაცი ეხმარებათ გაძრობაში . მე კი , ქამარს რომ შევიხსნი , მისით მძვრება . კარგია მერე ეს ? რა თქმა უნდა , ცუდია , მაგრამ იმედი მაქვს , ამ მოთხრობის შემდეგ გამოვსწორდები , რადგან ყველა ლიტერატურულ ნაწარმოებს გარკვეული აღმზრდელობიტი დანიშნულება აქვს თვით ავტორისთვისაც .

ამ პოსტში გთავაზობთ გენიალური ამერიკელი პოეტისა და მწერლის ლექსის 3 ქართულ თარგმანს. სამ ლექსებს წავიკითხავდეთ ორიოდე სიტყვა პოზე: 1849 წლის 7 ოქტომბერს, დილის 5 საათზე გარდაიცვალა დიდი პოეტი და მწერალი ედგარ ალან პო. რამდენიმე დღით ადრე, 3 ოქტომბერს ედგარ პო იპოვეს ბალტიმორში, ქუჩაში, უგონო მდგომარეობაში. მანამდე, სექტემბერში, რიჩმონდში იყო და ლექციების ციკლს კითხულობდა, სახელწოდებით „პოეტური პრინციპი“. ჰქონდა უამრავი გეგმა. იქიდან გაემგზავრა, 1500 დოლარი ჰქონდა ჯიბეში. ეს მაშინ დიდი თანხა იყო. როგორც ვთქვით, იპოვეს ქუჩაში, უგონო მდგომარეობაში. ფული აღარ ჰქონდა, ალბათ გაძარცვეს. ეცვა სხვისი ტანსაცმელი. გადმოცემით იმეორებდა სახელს „რეინოლდს“... ზოგიერთი გადმოცემით, კი მისი ბოლო სიტყვები იყო: ღმერთო დაეხმარე ჩემს საბრალო სულს“... გადაიყვანეს ბალტიმორის ჰოსპოტალში, სადაც გარდაიცვალა, როგორც ვთქვით 7 ოქტომბერს. მასზე ვრცელდებოდა ჭორები, თითქოს ნარკომანი იყო, მაგრამ ეს არ აღმჩნდა მართალი. დღეისათვის ბურუსითაა მოცული მისი საიდუმლო გარდაცვალების მიზეზები, არა ერთი დიაგნოზი სახე...